畢爾包新帥有料到　　今晚喺塞維利亞舉行嘅西超盃決賽，由巴塞隆拿激斗畢爾包。雖然月頭交手巴塞贏波，但都係靠美斯單天保至尊，呢位隊長唔夠弗，對進攻影響甚大，畢爾包上仗能夠淘汰皇馬，證明新帥馬些連奴有料到，佢哋近年碰頭都係一球起、兩球止，決賽場合隨時更加保守，中位數2.5球嘅細盤有分頭，值得捧場。（周一凌晨4時開賽）　　巴塞踏入2021年，聯賽3連勝仲要全部喺客場，美斯入4粒兼交出1次助攻，絕對係極速反彈嘅關鍵。不過呢位隊長大腿有傷，錯過日前西超盃4強對皇家蘇斯達嘅賽事，巴塞嘅火力即刻弱咗，尤其係之前略有起色嘅基沙文，難得做主角卻頻頻失機，去到互射12碼仲宴客添，若非鋼門達史特根勇救險球，法定時間未必頂得住1比1，更遑論靠互射12碼晉級。一句講曬，巴塞冇美斯，進攻走曬樣，就算佢今場頂硬上，趕及復出亦未必夠弗，唔好睇得巴塞咁高?！　∵^分倚賴美斯數胡　　另邊廂，畢爾包新一年搵咗馬些連奴接手，呢位西甲老江湖經驗豐富，雖然首仗就喺聯賽輸畀巴塞2比3，但嗰場唔係美斯省兩粒亦未必輸，跟住上仗就係西超盃4強對皇馬，憑老將魯爾加西亞梅開二度，以2比1勇挫上屆盟主「銀河艦隊」，認真唔講得笑?！　●R些連的之前執教華倫西亞，就喺2019年西盃決賽擊敗巴塞，協助「蝙蝠兵團」事隔11年再捧西盃，絕非泛泛之輩。翻查紀錄，雙方近8次交手，有7次開2球或以下，加上決賽場合難免踢得小心謹慎，捧入球細最劃算。