勐將來投實力升呢　　今晚西甲獨腳戲，畢爾包主場迎戰基達菲。雖然畢爾包早前爆冷勇奪西超盃，但呢支「山寨王」聯賽表現認真麻麻，尤其係主場戰績明顯跌Watt，基達菲獲得久保建英等新兵加盟后，連贏2場從谷底反彈，加上近年交手不落下風，受讓必捧讓球客勝。

畢爾包聯賽表現低迷　　　畢爾包踏入2021年，請來前華倫西亞教頭馬些連奴接手，即喺西超盃爆冷連挫皇馬及巴塞，繼2015年后再度捧走呢個盃，并喺上周西盃淘汰伊維薩聯晉級，有個好開始。不過「巴斯克雄獅」今季聯賽演出低迷，近9仗聯賽贏得2場咁大把，而且未能保持主場特醒嘅傳統，開咧后9次聯賽主場出擊，只得5勝4負，較以往相對失色，亦係佢哋徘徊中下游嘅主因。

基達菲今季同樣唔叻，試過11場聯賽贏得1場，一度被捲入護級漩渦，好彩喺冬季轉會窗接連簽入久保建英及卡利斯艾蘭拿后，立刻聯賽2連勝，先喺反勝艾爾切3比1之役，久保建英間接製造兩個入波，上場贏侯爾斯卡1比0，卡利斯艾蘭拿更交出致勝助攻，可見兩人來投后，進攻效果立竿見影。翻查紀錄，雙方近7次正面交鋒，基達的取得2勝5和未輸過，絕對唔赦「巴斯克雄獅」，依家佢哋當頭起，仲有得受讓咁筍，讓球客勝咪錯過。